Farg‘ona viloyatida 7-sinf o‘quvchisi otasining qarovsiz qoldirilgan Kia Sorento rusumli avtomobilini ruxsatsiz olib, mahalla ko‘chalarida xavfli haydashni boshlagan va oxir-oqibat turar-joy binosiga borib urilgan.

Hodisa arafasida ijtimoiy tarmoqlarda avtomobil tor ko‘chalarda yuqori tezlikda harakatlanayotgani, so‘ngra haydovchi boshqaruvni yo‘qotib, devorga urilgani aks etgan video tarqaldi. E’lonlarda haydovchi voyaga yetmaganligi ta’kidlangan.

Keyinroq Yo‘l harakati xavfsizligi xizmati vaziyatga izoh berdi. Ma’lumotlarga ko‘ra, baxtsiz hodisa Farg‘ona viloyatida sodir bo‘lgan. Mashina rulida 7-sinf o‘quvchisi bo‘lgan. U otasining qarovsiz qoldirilgan mashinasini ruxsatsiz olib, ko‘chalarga chiqib ketgan.

Hodisa oqibatida hech kim jarohatlanmagan. Hozirda voqea yuzasidan tekshiruv olib borilmoqda, holat aniqlanmoqda.

Avvalroq, Qo‘qonda maktab o‘quvchisi boshqaruvidagi Malibu rusumli avtomobil uchta qizni urib yuborgan, ulardan biri keyinchalik kasalxonada vafot etgani haqida xabar berilgan edi.

Source: podrobno.uz