Andijon viloyati Marhamat tumanidagi tibbiyot birlashmasi hududida fojiali hodisa yuz berdi. Kanalizatsiya tizimidagi nosozlikni bartaraf etish chog'ida to'rt nafar xodim bo'g'ilishdan vafot etdi.

Hodisa 10 iyun kuni soat 11:00 atrofida sodir bo'lgan. Dastlabki ma'lumotlarga ko'ra, kanalizatsiya tizimida nosozlik yuzaga kelgan va uni bartaraf etish uchun chilangar texnik xonaga tushgan.

Havo yetishmasligi tufayli uning ahvoli yomonlashgan, shundan so'ng unga yordam berish uchun birin-ketin elektrchi, haydovchi va bog'bon tushgan. Havo tanqisligi sabab erkaklar hushini yo'qotib, voqea joyida vafot etgan. Ularning yoshi 38, 54, 57 va 60 da bo'lgan.

Marhamat tuman ichki ishlar bo'limi tomonidan mehnat muhofazasi qoidalarini buzish moddasi bilan jinoyat ishi qo'zg'atilgan. Viloyat prokuraturasi tergov borishini nazorat qilayotganini tasdiqlagan va fojianing aniq sabablarini aniqlash uchun sud-tibbiy va boshqa ekspertizalar tayinlangan.

Viloyat rahbariyati vaziyatni nazoratga olgan. Hokimlik marhumlarning oilalariga ta'ziya izhor qilib, dafn marosimini tashkil etishda yordam ko'rsatgan va har tomonlama tergov o'tkazilishini va'da qilgan. Hokim topshirig'iga ko'ra, uning o'rinbosarlari voqea joyiga borib, holatlarni o'rganmoqda.

Source: podrobno.uz