11-iyun kuni Toshkentning Bektemir tumanidagi "Nurafshon" mahallasida Chirchiq daryosidagi "Suv to'kilish" inshootining o'ng qiyaligi va qirg'oq zonasining beton qoplamasi qulab tushdi.

Suv xo'jaligi vazirligi ma'lumotlariga ko'ra, hodisa natijasida atrofdagi binolar, inshootlar va turar-joy binolariga zarar yetmagan, ularga hech qanday xavf tug'ilmaydi.

Voqea joyiga suv xo'jaligi vaziri Sh. Xamrayev boshchiligidagi ishchi guruh yetib keldi. FVV, tegishli tashkilotlar va Toshkent hokimligi vakillaridan iborat tezkor shtab tuzildi.

Qulashni bartaraf etish uchun 2 ta ekskavator, 10 ta samosval, 2 birlik texnika va ishchilar jalb qilingan. Chirchiq daryosi qirg'og'ini mustahkamlash ishlari olib borilmoqda.

Ishchi guruhlar Bektemir tumanidagi Chirchiq daryosi bo'yida joylashgan uylar va ob'ektlarda yashovchilar va tadbirkorlar bilan profilaktik suhbatlar o'tkazmoqda, tashvishlanishga hech qanday asos yo'qligini tushuntirmoqda.

11-iyun soat 18:00 holatiga ko'ra, Chirchiq daryosidagi suv sathi sekundiga 278 kub metrni tashkil etadi, suv tashlanishi kamaymoqda.

Source: kun.uz