Ijtimoiy tarmoqlarda Navoiy viloyatidagi “Tudakul” dam olish hududida 13-iyun kuni bo‘lib o‘tgan konsertda bir erkakning sahna oldida kiyimini yechib, 2000 so‘mlik banknotni yirtib tashlagani aks etgan video tarqaldi.

Hodisa keng jamoatchilik e’tiborini tortdi va huquqni muhofaza qilish organlari tomonidan tezkor choralar ko‘rildi. 25 yoshli gumonlanuvchi qo‘lga olinib, sudga topshirildi.

Sud jarayonida erkak o‘z aybiga to‘liq iqror bo‘lib, harakatlarini spirtli ichimlik ta’sirida o‘zini nazorat qila olmagani bilan izohladi.

Navoiy viloyat sudi uni Ma’muriy javobgarlik to‘g‘risidagi kodeksning 183-moddasi (mayda bezorilik) bo‘yicha aybdor deb topib, 15 sutka ma’muriy qamoq jazosiga hukm qildi. Shuningdek, u maxsus qabulxonada saqlash xarajatlari uchun 927 ming so‘m to‘lashi kerak.

Dastlab ichki ishlar organlari unga davlat ramzlari to‘g‘risidagi qonunni buzish moddasini ham qo‘llashga urungan, biroq sud milliy valyuta davlat ramzlariga kirmaganligi sababli ushbu bandni chiqarib tashladi.

Source: podrobno.uz