Toshkentning Yakkasaroy tumanida joylashgan Solaris turar-joy majmuasida qurilish ishlari chog‘ida magistral kanalizatsiya quvuri shikastlandi. Bu haqda tuman hokimligi matbuot xizmati xabar berdi.

Quvurning yorilishi natijasida qurilish chuquri oqava suv bilan to‘ldi va qurilish krani qisman yerga cho‘kdi. Hodisa oqibatida hech kim jabrlanmadi.

Tuman hokimligi ma’lumotlariga ko‘ra, texnik nosozlik tufayli quvur shikastlanib, tuproqning qisman cho‘kishi yuz bergan. Vaziyat nazoratga olingan bo‘lib, voqea joyida shahar xizmatlari va kommunal xodimlar ish olib bormoqda.

Mutaxassislar avariya sabablarini aniqlash va oqibatlarini bartaraf etish bilan shug‘ullanmoqda. Tumanda yashovchilar ijtimoiy tarmoqlarda kuchli hid tarqalganidan shikoyat qilgan. Hokimlik hudud xavfsiz holatga keltirilishini va’da qilgan.

Eslatib o‘tamiz, avvalroq Olmaliq aholisi mahallalarga qizil rangli suv oqib kelayotganidan shikoyat qilgan edi. Ma’lum bo‘lishicha, bu suv so‘yilgan hayvonlarning chiqindilari bilan ifloslangan. Muammo bir necha yil davom etgan, uylar yonidagi sobiq bog‘lar esa botqoqlikka aylangan. Qonunbuzarga 6 million 180 ming so‘m miqdorida jarima solingan.

Source: podrobno.uz