O'zbekiston Prezidenti qarori bilan shaxmatchilar va ularning murabbiylariga yirik xalqaro musobaqalarda sovrindor bo'lganliklari uchun beriladigan bir martalik pul mukofotlari miqdori sezilarli darajada oshirildi. Bu haqda hukumat manbalari xabar bermoqda.

Kattalar o'rtasidagi Jahon shaxmat olimpiadasi yoki paralimpiadasida oltin medal uchun shaxmatchi endi 200 ming dollar (avvalgi 2000 BRV o'rniga), kumush uchun 100 ming dollar (1000 BRV), bronza uchun 50 ming dollar (500 BRV) oladi. Murabbiylar uchun esa tegishli ravishda 50 ming dollar (avval 1000 BRV), 25 ming dollar (500 BRV) va 12,5 ming dollar (250 BRV) miqdorida to'lovlar nazarda tutilgan.

Bundan tashqari, birinchi marta yoshlar o'rtasidagi Jahon shaxmat olimpiadasi va paralimpiadasi uchun alohida to'lovlar belgilandi: oltin uchun 20 ming dollar, kumush uchun 10 ming dollar va bronza uchun 5 ming dollar. Murabbiylar esa mos ravishda 5 ming, 2,5 ming va 1,25 ming dollar oladilar.

FIDE tasnifi bo'yicha jahon miqyosidagi musobaqalarda medallar uchun shaxmatchilarga 15 ming, 7,5 ming va 3,75 ming dollar, ularning murabbiylariga esa 7 ming, 3,5 ming va 1,75 ming dollar to'lanadi. Osiyo miqyosidagi musobaqalarda to'lovlar oltin uchun 10 ming, kumush uchun 5 ming va bronza uchun 2,5 ming dollarni tashkil etadi. Murabbiylar uchun esa tegishli ravishda 5 ming, 2,5 ming va 1,25 ming dollar nazarda tutilgan.

Xalqaro sport unvoni – grossmeyster unvonini olish uchun shaxmatchiga 5 ming dollar miqdorida bir martalik to'lov belgilangan. Avval bu unvon uchun 100 BRV (taxminan 3,6 ming dollar) miqdorida to'lov nazarda tutilgan edi.

Source: uznews.uz