Turkiya hududida xalqaro qidiruvda bo‘lgan O‘zbekistonning ikki nafar fuqarosi qo‘lga olindi. Bu haqda mamlakatimizning Istanbul shahridagi Bosh konsulxonasi matbuot xizmati tomonidan rasman ma'lum qilindi, deb yozadi Podrobno.uz nashri. Ushbu shaxslarning uzoq vaqt davomida adolatdan yashirinib yurgani turli shubha va savollarni tug‘dirmoqda.

Aniqlanishicha, hibsga olingan fuqarolardan biri jinoyat kodeksining bosqinchilik moddasi bo‘yicha ayblanib, naqto‘qqiz yil davomida – 2017 yildan beri qidiruvda bo‘lgan. Ikkinchi shaxs esa firibgarlik jinoyatini sodir etganlikda gumon qilinib, xalqaro miqyosda qidiruvga berilgan edi. Ularning Turkiya hududida qanday qilib buncha vaqt bemalol yashagani hozircha to‘liq ochiqlanmagan.

Hozirgi kunda qo‘lga olingan shaxslar O‘zbekiston vakolatli organlariga topshirilgan bo‘lib, ularga nisbatan barcha zarur tergov va protsessual harakatlar davom ettirilmoqda. Eslatib o‘tamiz, biroz avval Birlashgan Arab Amirliklaridan ham Interpol liniyasi bo‘yicha qidirilayotgan olti nafar O‘zbekiston fuqarosi Toshkentga ekstraditsiya qilingan edi.

Source: podrobno.uz