Vashington shahriga tashrifi doirasidagi biznes tadbirlari davomida Prezident Shavkat Mirziyoyev AQSh Eksimbank prezidenti va raisi Jon Yovanovich, shuningdek, AQSh Xalqaro moliyaviy taraqqiyot korporatsiyasi (DFC) bosh ijrochi direktori Ben Blek bilan uchrashdi.

Foto: Prezident matbuot xizmati

Vashington shahriga tashrifining biznes dasturini davom ettirgan holda, O‘zbekiston Respublikasi Prezidenti Shavkat Mirziyoyev Eksimbank prezidenti va raisi Jon Yovanovich va DFC bosh ijrochi direktori Ben Blek bilan suhbatlashdi.

O‘tgan yili Donald Tramp prezidenti bilan bo‘lgan muzokaralar AQSh biznesi bilan savdo-investitsiya hamkorligini kengaytirishga kuchli turtki bergani ta’kidlandi.

Biznes kengashi faoliyatini qo‘llab-quvvatlash va ustuvor loyihalarni tizimli ravishda ilgari surish uchun Investitsiya platformasini ishga tushirish masalalariga alohida e’tibor qaratildi.

Eksimbank bilan hamkorlik yo‘nalishlari belgilandi. Bu yirik sanoat va infratuzilma loyihalarini moliyalashtirishni kengaytirish, yuqori texnologiyali uskunalar yetkazib berishni qo‘llab-quvvatlashni o‘z ichiga oladi.

DFC rahbariyati bilan suhbatda investitsiya hamkorligi mexanizmlarini mustahkamlash muhimligi ko‘rsatildi. Korporatsiyaning yirik milliy va mintaqaviy loyihalarda ishtirok etish, moliya bozori va energetikani rivojlantirish rejalari qo‘llab-quvvatlandi.

O‘zbekiston Prezidenti amerikalik tomonni Toshkent xalqaro investitsiya forumida ishtirok etishga taklif qildi.

Uchrashuv yakunida, davlatimiz rahbori ishtirokida, tashrif doirasida O‘zbekiston va AQSh o‘rtasida investitsiya platformasini yaratish to‘g‘risidagi bitim imzolandi.

Source: kun.uz