Shavkat Mirziyoyevning Vashingtondagi ishchi tashrifi AQSh Savdo vaziri G'ovard Latnik bilan uchrashuvdan boshlandi.

Foto: Prezident matbuot xizmati

O‘zbekiston Respublikasi Prezidenti Shavkat Mirziyoyevning Vashington shahriga ishchi tashrifi dasturi AQSh Savdo vaziri G'ovard Latnik bilan uchrashuvdan boshlanganligi ma'lum qilindi.

Uchrashuvda o‘zbek-amerika strategik sherikligini yanada mustahkamlashning amaliy jihatlari, shuningdek, ustuvor yo‘nalishlarda hamkorlik loyihalarini ilgari surish masalalari muhokama qilindi.

Qoniqarli holat shundaki, Qo‘shma Shtatlar O‘zbekistonning asosiy sheriklaridan biri hisoblanadi: o‘zaro savdo hajmi 1 milliard dollardan oshdi, mamlakat bozorida taxminan 340 ta amerika kompaniyalari faoliyat yuritmoqda.

Energetika, kritik minerallar sohasi, transport, qishloq xo‘jaligi, IT va boshqa yo‘nalishlarda yirik loyihalar muvaffaqiyatli amalga oshirilmoqda.

35 milliard dollarlik uch yillik Iqtisodiy hamkorlik dasturi amalda. Bugungi kunda biznes tadbirlari doirasida bir qator muhim kelishuvlar imzolanishi kutilmoqda.

Yaqinda tashkil etilgan Biznes kengashi imkoniyatlaridan foydalanish va ustuvor loyihalarni tizimli qo‘llab-quvvatlash uchun Investitsiya platformasini ishga tushirish zarurligi ta'kidlandi.

Savdo aloqalarini rivojlantirish, O‘zbekistonning hududlari bilan bevosita biznes aloqalarini kengaytirish muhimligi ham urg‘u qilindi.

Source: kun.uz