O'zbekiston Soliq qo'mitasi delegatsiyasi Moskvada ishchi tashrifda bo'lib, Rossiya Federal soliq xizmatining ish tajribasini o'rganmoqda. O'zbekiston tomoni uchun internet orqali daromad oluvchi shaxslarning soliqqa tortilishi tartibiga alohida qiziqish bildirilmoqda.

Soliq qo'mitasi ma'lumotiga ko'ra, tashrifning birinchi kunida tomonlar blogerlar va internetda faoliyat yurituvchi boshqa shaxslarning daromadlarini nazorat qilish masalalarini muhokama qilishdi. Bundan tashqari, rossiyalik hamkasblar soliq organlariga ishonch va ochiqlikni oshirish uchun ommaviy axborot vositalari hamjamiyati bilan o'zaro hamkorlik tajribasini baham ko'rishdi.

Tadbirda soliq to'lovchilar uchun qulay xizmatlar va sharoitlar yaratishga qaratilgan yondashuvlar taqdim etildi. Olingan bilim va eng yaxshi amaliyotlar O'zbekiston soliq organlari faoliyatida qo'llash uchun o'rganilib, moslashtirilishi rejalashtirilmoqda.

Source: podrobno.uz