Parijda bo'lib o'tgan UEFA Chempionlar Ligasi yarimfinalining ilk uchrashuvi futbol tarixiga kirdi. Fransiyaning "PSJ" jamoasi "Park de Prens" stadionida Myunxenning "Bavariya"sini 5:4 hisobida mag'lub etdi.

Uchrashuvda jami 9 ta gol urildi, bu Chempionlar Ligasi yarimfinali tarixidagi mutlaq rekorddir. Ilgari hech qachon yarimfinal bosqichida bir o'yinda buncha ko'p gol kiritilmagan edi.

Parijliklar safida Xvicha Kvaratsxeliya dubl qayd etdi (24 va 56-daqiqalar). Usman Dembele birinchi bo'limning qo'shimcha vaqtida penaltidan gol urdi va 58-daqiqada yana bir bor raqib darvozasini ishg'ol qildi. Yana bir golni Joau Neves 33-daqiqada Dembelening burchak to'pidan so'ng kiritdi.

"Bavariya" tarkibida Garri Keyn 17-daqiqada penaltidan, Maykl Olise 41-daqiqada gol urdi. Ikkinchi bo'limda myunxenliklar Dayo Upamekano (65) va Luis Dias (68) gollari bilan hisobni qisqartirdi, ammo o'yin oxirigacha tenglashtira olmadi.

Javob uchrashuvi Myunxenda kelasi hafta, 7-may payshanba kuni Toshkent vaqti bilan soat 00:00 da boshlanadi.

Source: podrobno.uz