️ O‘zbekiston hukumati tomonidan qabul qilingan qarorga ko‘ra, mamlakatning yoshlari va o‘qituvchilari chet elning eng nufuzli oliy ta’lim muassasalarida o‘qish uchun imtiyozli kredit olish imkoniyatiga ega bo‘lishadi. Kreditlar QS yoki THE reytinglarida dunyoning eng yaxshi 300 taligiga kirgan universitetlarning bakalavriat va magistratura dasturlariga qabul qilingan 30 yoshgacha bo‘lgan fuqarolar, shuningdek, o‘qituvchilarga taqdim etiladi.

️ Kreditning maksimal miqdori bir o‘quv yili uchun 20 ming AQSh dollariga teng bo‘lib, milliyn valyutada hisoblanadi. Qarzni qaytarish o‘qishni tugatgandan keyin yetti oy o‘tgach boshlanadi va yetti yil davomida amalga oshiriladi. Foiz stavkasi Markaziy bankning asosiy stavkasiga teng bo‘ladi.

️ Kreditni rasmiylashtirish uchun bankka murojaat qilish va ariza, shaxsni tasdiqlovchi hujjatlar, taklifnoma yoki akademik natijalar, o‘quv shartnomasi hamda universitetning rekvizitlari ko‘rsatilgan hisob-fakturani taqdim etish talab etiladi. O‘ttiz yoshdan oshgan o‘qituvchilar qo‘shimcha ravishda mehnat daftarchasidan chiqarib berilgan ma’lumotni taqdim etishlari shart.

️ Kredit faqat O‘zbekiston fuqarolari uchun mo‘ljallangan. Bu yangilik mamlakatda oliy ta’lim sohasidagi islohotlar doirasida kelib chiqqan bo‘lib, 2026/2027 o‘quv yilidan boshlab tibbiyot universitetlarida xalqaro standartlar asosida yangi tayyorlash formati joriy etilishi rejalashtirilgan.

Source: podrobno.uz