Windows 11 foydalanuvchilari kompyuterlarida oldindan e’lon qilinmagan va aniq rozilik so‘ralmagan holda yangi OneDrive Photos ilovasi paydo bo‘lganini aniqladilar. Dastur operatsion tizim va Microsoft Store’ning fon yangilanishlari orqali tarqalib, qattiq diskdagi barcha fotosuratlarni avtomatik ravishda tahlil qiladi.

Tanqidga sabab yuzni tanish texnologiyalaridan foydalanish emas – bunday funksiyalar Google, Apple va Microsoft’ning oldingi mahsulotlarida ham qo‘llaniladi. Foydalanuvchilarni dasturning tarqalish usuli g‘azablantirdi: ba’zilarning ta’kidlashicha, ilova alohida bildirishnomasiz va o‘rnatishda tanlovsiz paydo bo‘lgan.

Microsoft’ning ta’kidlashicha, yuzni tanish uchun ishlatiladigan ma’lumotlar qurilmada mahalliy qayta ishlanadi va uchinchi tomon xizmatlariga uzatilmaydi.

Shu bilan birga, foydalanuvchilar ilovani boshqarishdagi cheklovlarga e’tibor qaratdilar. Ularning so‘zlariga ko‘ra, OneDrive Photos OneDrive bulut xizmati bilan chambarchas bog‘langan, shuning uchun uni alohida o‘chirish qiyin bo‘lishi mumkin. Bundan tashqari, ilova Microsoft hisobiga kirmasdan ham mahalliy fotosurat papkalariga kirish imkoniyatiga ega.

Decrypt jurnalistlari Microsoft’ga vaziyatni sharhlash uchun so‘rov yubordi. Nashr vaqtida kompaniyadan javob kelmagan.

Avvalroq, Microsoft’ga tegishli OpenAI’ning sinovdagi sun’iy intellekt modellari izolyatsiya qilingan tizimdagi zaiflikni aniqlab, tashqi tarmoqqa kirishga muvaffaq bo‘lgani haqida xabar berilgan edi. Natijada Hugging Face xizmati zarar ko‘rgan.

Source: podrobno.uz