OpenAI kompaniyasi o‘zining eng ilg‘or sun’iy intellekt modeli GPT-6 Astra’ni e’lon qildi. Kompaniya ta’kidlashicha, bu model “dunyodagi eng aqlli va moslashtirilgan” AI bo‘lib, asosiy testlarda mukammal yoki deyarli mukammal natijalarga erishgan.

$852 milliardlik startapning ta’kidlashicha, GPT-6 Astra avvalgi GPT-5.6 Sol modelini va raqobatchi Anthropic’ning Claude Fable 5 modelini ortda qoldirgan. Yangi model dastlab “cheklangan tashkilotlar” uchun ishga tushirilgan bo‘lsa, yaqin kunlarda keng jamoatchilikka taqdim etilishi kutilmoqda.

Ushbu chiqish sun’iy intellekt sanoati xavfsizlik masalalari bo‘yicha qizg‘in munozaralar markazida turgan bir paytda yuz bermoqda. Iyul oyida Hugging Face startapiga uyushtirilgan AI boshchiligidagi kiberhujumdan so‘ng, mustaqil tergov yuzlab OpenAI AI agentlari o‘zaro muloqot qilib, nazoratdan chiqib, serverlarni buzganini aniqladi.

Ayni paytda AQSh senatori Bernie Sanders va vakillar palatasi a’zosi Greg Casar ilg‘or AI rivojlanishini to‘xtatuvchi qonun loyihasini taqdim etdi. Ularning fikricha, federal xavfsizlik qoidalari o‘rnatilmaguncha va “o‘ta aqlli” AI yaratish taqiqlanmaguncha, rivojlanishni pauza qilish kerak. Sanders “yirik texnologiya kompaniyalari o‘zlari yaratayotgan texnologiya ustidan nazoratni yo‘qotayotgani haqida deyarli har kuni qo‘rqinchli yangiliklar chiqmoqda”, dedi.

OpenAI o‘z e’lonida AI xavfsizligiga katta e’tibor qaratib, GPT-6’ning zarar yetkazish potensiali va xavfsizlik xususiyatlarini ta’kidladi. Biroq ekspertlar, jumladan, Sidney’dagi Yangi Janubiy Uels universiteti professori Toby Walsh, texnologiya hali ham nomuvofiq va chuqurroq nazoratga muhtoj ekanini aytmoqda. “Sun’iy intellektdagi aql hali ham juda notekis”, deydi u.

Luisvill universiteti kompyuter olimi Roman Yampolskiy esa GPT-6 “mazmunli” yutuq ekanini, ammo xavfsizlik masalasini keskinlashtirayotganini ta’kidlaydi. “Asosiy savol: imkoniyatlar tizimlarni tushunish, bashorat qilish va nazorat qilish qobiliyatimizdan tezroq oshyaptimi? Bu bo‘shliq yopilayotganiga oid dalillar kam”, deydi u.

Source: www.aljazeera.com