Fransiya ichki ishlar vazirligi o'quvchilar va talabalarning mamlakat bo'ylab o'tkazilayotgan norozilik namoyishlari chog'ida huquq-tartibot idoralariga shok granatalaridan foydalanishni vaqtincha taqiqladi. Bu haqda vazirlik vakillari ma'lum qilib, so'nggi kunlarda politsiya tomonidan kuch ishlatish holatlari keskin tanqidga uchrayotganini tan olishdi.

Mazkur e'lon mamlakat bo'ylab yuz minglab talabalar va ularning tarafdorlari ta'lim muassasalarini moliyalashtirish hamda maktablardagi sharoitlarni yaxshilash talabi bilan ommaviy yurishlar o'tkazganidan bir kun o'tib e'lon qilindi. Ushbu inqirozli vaziyatni yumshatish maqsadida Yevropa rejimi rahbari Emmanuel Makron bosh vazir va boshqa asosiy vazirlar bilan favqulodda yig'ilish o'tkazishga majbur bo'ldi.

Ichki ishlar vazirining so'zlariga ko'ra, namoyishlar boshlanganidan beri huquq-tartibot xodimlarining harakatlari yuzasidan 18 ta ichki tergov harakatlari boshlangan. Biroq, huquqni muhofaza qiluvchi idoralar norozilik harakatlari tashqi kuchlar tomonidan egallab olinib, shahar zo'ravonligiga aylanib ketganini da'vo qilmoqda.

Rasmiy ma'lumotlarga ko'ra, o'tgan oy namoyishlar boshlanganidan buyon 6100 kishi hibsga olingan bo'lib, ularning mutlaq ko'pchiligini voyaga yetmaganlar tashkil etadi. Shuningdek, yuzlab politsiyachilar va o'smirlar to'qnashuvlar chog'ida jarohat olgani aytilmoqda, bu esa Yevropa davlatidagi ijtimoiy tanglik va tizimli inqiroz yanada chuqurlashib borayotganini ko'rsatadi.

Source: www.aljazeera.com