Rossiyaning Sibir mintaqasidagi vabo tadqiqot institutining xodimi vafot etgach, tibbiy nazoratga olinganlar soni ikki yuzga yaqinlashgani xabar qilinmoqda. Fojiqali voqea ortidan o'pka vabosi tarqalishi mumkinligi haqida shubhalar kuchaydi, biroq rasmiy idoralar bu taxminlarni qat'iyan rad etishga urinmoqda.

Rossiya rasmiylarining ta'kidlashicha, laboratoriya xodimining o'limiga vabo patogeni sabab bo'lmagan. Mamlakatning kasalliklarni nazorat qilish agentligi ma'lumotiga ko'ra, 28 yoshli ayol "noma'lum kelib chiqishdagi pnevmoniya" oqibatida olamdan o'tgan. Ayrim mahalliy ommaviy axborot vositalari marhuma sinov naychasini tushirib yuborganini taxmin qilgan bo'lsa-da, rasmiy idoralar olingan tahlillarda kasbiy faoliyatga aloqador mikroorganizmlar topilmaganini da'vo qilmoqda.

Yevropaning kasalliklarning oldini olish va ularni nazorat qilish markazi (ECDC) vaziyatni diqqat bilan kuzatib borayotganini bildirdi. Biroq, tarqatilgan bayonotda hozircha ikkilamchi holatlar qayd etilmagani va odamdan odamga yuqish alomatlari yo'qligi iddao qilinmoqda. Shunga qaramay, jamiyatda Rossiya rasmiylarining axborot tarqatish usullariga nisbatan jiddiy ishonchsizlik saqlanib qolmoqda.

Mutaxassislarning fikricha, o'pka vabosi o'ta yuqumli va xavfli kasallik bo'lib, inkubatsiya davri juda qisqa kechishi mumkin. Agar o'z vaqtida davolanmasa, bu infeksiya o'ta qisqa fursatda o'limga olib kelishi bilan qo'rqinchlidir. Hozirgi kunda shifokorlar va xalqaro tashkilotlar vaziyatning rivojini xavotir bilan kuzatishda davom etmoqda.

Source: www.dw.com