New York Times va CNN manbalariga ko'ra, AQSh Markaziy razvedka boshqarmasi (MRB) va Isroil razvedkasi Eron oliy rahbari Ali Xomanaiyni o'ldirishdan oldin bir necha oy davomida kuzatib borgan. Ular Xomanaiyning kundalik hayoti, uchrashuvlari va xavf tug'ilganda yashirinadigan joylarini kuzatgan.

MRB 28-fevral kuni ertalab Xomanaiyning Tehrondagi qarorgohida yuqori martabali eronlik mulozimlar uchrashuvi bo'lishini aniqlagan. Bu ma'lumot Isroilga topshirilgan. CNN manbalari Xomanaiyning kunduzi xavfsizroq his qilib, hushyorlikni bo'shashtirganini qayd etadi.

Isroil qiruvchi samolyotlari ertalab soat 06:00 da havoga ko'tarilib, ikki soatdan keyin uzoq masofali raketalar bilan zarba bergan. Zarba vaqtida Xomanaiy yaqin atrofdagi binoda bo'lgan.

BBC News yozishicha, Xomanaiyning joylashuvi boshqa eronlik rasmiylarning harakatlanishini zamonaviy texnologiyalar orqali kuzatish bilan aniqlangan bo'lishi mumkin. 2025-yil iyun oyidagi urushda Isroil telekommunikatsiya tizimlarini buzib kirish orqali shaxslarni kuzatgan.

Eronning xavfsizlik tizimining zaifligi yoki Isroil va AQShning yangi usullar topishi bu kuzatuvning muvaffaqiyatli bo'lishiga sabab bo'lgan.

Source: www.gazeta.uz