Milliy investitsiya jamg'armasi (UzNIF) portfeliga o'zgartirishlar kiritildi. Prezidentning 25-fevraldagi qaroriga ko'ra, "Navoiyazot" (25%) va Xalq bankidagi (30%) ulushlar jamg'arma portfelidan chiqarilib, Iqtisodiyot va moliya vazirligiga qaytariladi.

Buning evaziga "O'zbektelekom"dagi 5% va "O'zbekinvest"dagi 10% ulushlar davlatdan UzNIF'ga o'tkazilmoqda. "O'zsanoatqurilishbank"dagi 10% ulush Tiklanish va taraqqiyot jamg'armasidan vazirlik orqali UzNIF'ga beriladi.

Natijada, jamg'arma portfeli 18 tadan 13 ta kompaniyaga (1,5 mlrd dollar) qisqardi. UzNIF aksiyalarini 2026-yil oxirida IPO qilish rejalashtirilgan, Kosta Legal va Cleary Gottlieb Steen & Hamilton maslahatchi sifatida ishtirok etadi.

Jamg'arma 2024-yil avgustda tashkil etilgan, Templeton Global Investments ishonchli boshqaruvchi etib tayinlangan. Maqsad aktivlar qiymatini oshirish va xorijiy investitsiyalarni jalb qilish.

Templeton direktori Marius Dan Spot portfel tarkibining yakuniy ekanligini ta'kidladi. Bundan tashqari, "O'zsuvta'minot" va "O'zbekinvest"dagi ulushlar DABA'dan vazirlikka, "Temiryo'linfratuzilma"dagi 60% ulush 2026-yil aprelgacha "O'zbekiston temir yo'llari"dan vazirlikka o'tkaziladi. O'zbekiston Milliy bankidagi 10% ulush vazirlikdan Tiklanish va taraqqiyot jamg'armasiga o'tkazilmoqda.

Source: www.gazeta.uz