Ispaniyaning boy Kataloniya mintaqasida o'n yil avvalgi muvaffaqiyatsiz separatchilik harakatlari o'rnini migratsiyaga va islomga qarshi kayfiyatlar egallamoqda. Bu haqda xalqaro tahlilchilar xabar bermoqda.

Mintaqada «Alianca Catalana» (Katalon ittifoqi) deb nomlangan yangi o'ng radikal partiya so'rovnomalarda keskin o'sishga erishmoqda. Mazkur siyosiy kuch migratsiyani cheklashni va Islomni jamiyat uchun tahdid sifatida ko'rsatishni o'zining asosiy shioriga aylantirgan. Shuni ta'kidlash kerakki, Kataloniya Ispaniyadagi eng yirik musulmon aholiga ega hudud hisoblanadi.

Prognozlarga ko'ra, mazkur partiya 2028 yildagi navbatdagi mintaqaviy saylovlarda Sotsialistlardan keyin Kataloniyadagi ikkinchi yirik siyosiy kuchga aylanishi mumkin. Yevropa bo'ylab tarqalayotgan migratsiyaga qarshi to'lqin Germaniya, Italiya va Fransiyadagi o'ng qanot g'alabalaridan so'ng endilikda Ispaniyaga ham ta'sir ko'rsatmoqda.

Katalon ittifoqi yetakchisi Silvia Orriolsning ta'kidlashicha, mintaqada xavfsizlikning yomonlashuvi, jinoyatchilikning o'sishi va davlat xizmatlaridan foydalanishda muammolar yuzaga kelmoqda. Biroq mahalliy musulmon jamoat vakillari bu da'volarni rad etib, mazkur o'ngchi harakatlar asossiz nafratni targ'ib qilayotganidan jiddiy xavotir bildirishmoqda.

Source: www.aljazeera.com