Isroil hududidagi Majd al-Krum qishlog‘ida mahalliy falastinliklar va isroillik ko‘chmanchilar o‘rtasida keskinlik kuchayib bormoqda. Oktyabr oyida sodir bo‘lgan voqealar va siyosiy harakatlar mintaqadagi muvozanatni jiddiy ravishda ostin-ustun qilib yuborishi mumkinligi aytilmoqda.

Xabarlarga ko‘ra, ishg‘ol qilingan G‘arbiy Sohildan kelgan isroillik ko‘chmanchilar qishloq yaqinidagi tepalikda noqonuniy ravishda post qurishga urinishgan. Isroil rejimi rasmiylari bu harakatni go‘yo chorvachilik uchun ruxsatnoma bilan izohlagan bo‘lsa-da, mahalliy aholi bu vajlarni rad etib, haqiqiy maqsad hududni o‘zlashtirish ekanini ta'kidlagan.

Mojaro ortidan Majd al-Krum aholisi birdamlik namoyish etib, bir hafta davomida tinch norozilik namoyishlarini o‘tkazdi. Qishloq aholisi yoshu qari tog‘ tepaligiga chiqib, o‘z yerlarini himoya qilishga qat'iy qaror qilganini ko‘rsatdi va oxir-oqibat ko‘chmanchilar u yerdan chiqib ketishga majbur bo‘ldi.

Biroq mahalliy faollar bu holat yaqinlashib kelayotgan siyosiy o‘zgarishlar va bosimlar oldidan sinov tariqasida uyushtirilganini da'vo qilmoqda. Isroil rejimi siyosatchilari, jumladan, moliya vaziri Bezalel Smotrich Galileyani yahudiylashtirish rejalarini ochiq e'lon qilgani jamoatchilikda keskin xavotir uyg‘otmoqda.

Kuzatuvchilarning fikricha, bu kabi voqealar Isroildagi arab aholisining siyosiy faolligini keskin oshirib yuborishi mumkin. Siyosiy bosimlar va provokatsiyalar mahalliy aholini yanada birlashtirib, kelgusi saylovlarda ularning ishtirokini ta'minlovchi asosiy omilga aylanishi kutilmoqda.

Source: www.aljazeera.com