Ijtimoiy tarmoqlarda Jizzaxdagi attraksionning qulashi va qurbonlar borligi haqidagi xabarlar tarqaldi. Podrobno.uz muxbiriga huquq-tartibot organlari xodimlari ma’lum qilishicha, hodisa natijasida to‘rt kishi jarohat olgan.

Voqea 10-iyun kuni soat 22:00 atrofida “Urda ekologik bog‘i” parkida sodir bo‘lgan. Attraksionda faqat kattalar bo‘lgan, voyaga yetmaganlar yo‘q edi.

To‘rt nafar jabrlanganga tibbiy yordam ko‘rsatilgan. Ba’zilarga voqea joyida yordam berilgan, boshqalari tekshiruv uchun kasalxonaga yetkazilgan. Tekshiruv va zarur yordamdan so‘ng ular uylariga jo‘natilgan. Jarohatlarning og‘irlik darajasini shifokorlar aniqlaydi.

Ijtimoiy tarmoqlarda o‘lganlar borligi haqida xabarlar tarqalgan, biroq huquq-tartibot organlari bu ma’lumotni rad etib, qurbonlar yo‘qligini ta’kidlagan.

Hozirda hodisa yuzasidan tergovgacha tekshiruv olib borilmoqda. Mutaxassislar attraksion avariyasining sabablarini aniqlashmoqda.

Source: podrobno.uz