O‘zgidromet 20-22 iyun kunlari kutilayotgan kuchli yomg‘irlar munosabati bilan favqulodda ogohlantirish tarqatdi.

Sinoptiklarning ma’lumotiga ko‘ra, bir qator tog‘ oldi va tog‘li hududlarda sel-toshqin hodisalari yuz berishi mumkin, shuningdek, yomg‘ir suvining to‘planishi natijasida ayrim hududlarning mahalliy suv bosishi ehtimoli ham istisno qilinmaydi.

O‘zgidromet direktori Sherzodxo‘ja Habibullaxo‘janing bildirishicha, xavf zonasiga quyidagi hududlar kiradi: Qashqadaryo viloyati (Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor tumanlari), Surxondaryo viloyati (Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrabot tumanlari), Samarqand viloyati (Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon tumanlari), Navoiy viloyati (Xatirchi, Navbahor, Nurota, Konimex, Karmana tumanlari), Jizzax viloyati (Zomin, Baxmal, G‘allaorol, Sharof-Rashidov, Farish, Yangiobod tumanlari), Toshkent viloyati (Ohangaron, Bo‘stonliq, Parkent, Pskent, O‘rtachirchiq, Yuqorichirchiq tumanlari, shuningdek Angren va Olmaliq shaharlari), Namangan viloyati (Pop, Kosonsoy, Chortoq, Chust, Namangan, Yangiqo‘rg‘on tumanlari), Farg‘ona viloyati (So‘x, Shohimardon, Farg‘ona, Beshariq tumanlari), Andijon viloyati (Andijon, Asaka, Jalolquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari va Xonobod shahri).

Shuningdek, O‘zgidromet mamlakatning ayrim hududlarida kuchli yog‘ingarchiliklar yomg‘ir suvining to‘planishiga va ayrim hududlarning mahalliy suv bosishiga olib kelishi mumkinligidan ogohlantirdi.

Sinoptiklar tog‘ oldi va tog‘li hududlar aholisini, dam oluvchilarni va tog‘li joylarga sayohat rejalashtirgan haydovchilarni ehtiyot choralariga rioya qilishga chaqirdi.

Source: podrobno.uz