Andijon viloyatida “Vatanparvar” o‘quv markazi instruktori fuqarodan haydovchilik guvohnomasini qaytarib berish evaziga 1850 dollar talab qilgani uchun qo‘lga olindi.

Bosh prokuratura huzuridagi departament matbuot xizmati xabariga ko‘ra, gumonlanuvchi Shaxrixon o‘quv-sport texnik markazida ishlagan. U haydovchilik guvohnomasidan mahrum qilingan fuqaroga yuqori lavozimdagi tanishlari orqali hujjatni qaytarib berishga va’da bergan.

Instruktor pulni olayotgan vaqtda ushlangan. Unga nisbatan firibgarlik va pora berish moddalari bilan jinoyat ishi qo‘zg‘atilgan. Tergov harakatlari davom etmoqda.

Avvalroq haydovchilik guvohnomasini olishda yordam berishni va’da qilib, bir necha fuqaroning pulini olgan firibgar haqida xabar berilgan edi. U huquq-tartibot organlaridagi aloqalari orqali masalani hal qilishni va’da qilgan.

Source: podrobno.uz