Farg‘ona viloyatida tamaki mahsulotlarining kontrabandasiga chek qo‘yildi. Qo‘qon shahrida jinoyatchilar soxta sigaretlarni bir avtomobildan boshqasiga yuklayotgan vaqtda qo‘lga olindi.

Viloyat bojxona boshqarmasi xabariga ko‘ra, huquq-tartibot xodimlari Cobalt rusumli avtomobildan Lacetti rusumli avtomobilga qutilarni yuklayotgan ikki shaxsni ushladi. Tekshiruv vaqtida 5 ming quti xorijiy ishlab chiqarilgan sigaret topildi.

Mahsulotning tegishli hujjatlari va aksiz markalari bo‘lmagan. Musodara qilingan tovarning taxminiy qiymati 100 million so‘mni tashkil etadi. Hozirda holat yuzasidan tergov oldi tekshiruvlari olib borilmoqda.

Eslatib o‘tamiz, avvalroq O‘zbekistonda tamaki mahsulotlarining noqonuniy aylanishining bir necha kanali to‘sib qo‘yilgan edi – deyarli 9 ming quti noqonuniy sigaret musodara qilingan.

Source: podrobno.uz