Navoiy viloyatida Bosh prokuratura huzuridagi departament xodimlari tomonidan Soliq Mobile ilovasi orqali byudjet mablag‘larini o‘g‘irlashning navbatdagi fakti aniqlandi.

13 ta kompaniya xodimlari 4,5 trillion so‘mlik tovarlarni yetkazib berish bo‘yicha elektron schyot-fakturalarni rasmiylashtirgan. Keyin ular ushbu mablag‘larni nazorat-kassa mashinalari orqali o‘tkazib, fuqarolarga chakana savdo qilingandek ko‘rsatib, kassa cheklarini shakllantirgan.

Natijada Soliq Mobile ilovasi orqali 105 524 fuqaroning hisobiga 34,8 milliard so‘m keshbek hisoblangan, ammo bu mablag‘lar sxema ishtirokchilari tomonidan o‘zlashtirilgan.

Ushbu fakt bo‘yicha Jinoyat kodeksining 168-moddasi (Firibgarlik) va 228-moddasi (Hujjatlarni qalbakilashtirish, ulardan foydalanish) bilan jinoyat ishi qo‘zg‘atilib, tergov harakatlari olib borilmoqda.

Source: uznews.uz