O'zbekistonda eng boy va eng kambag'al mintaqalar o'rtasidagi daromad farqi 3,6 baravar yetdi. Bu holat sog'lom farqdan oshib, xavfli bosqichga o'tganini ko'rsatadi.

2018-2025 yillar oralig'ida Toshkent shahrida aholi jon boshiga daromad 4,5 baravar o'sdi (16,2 million so'mdan 73,9 million so'mgacha). Farg'ona viloyatida 3,6 baravar, Jizzax viloyatida esa eng past - 2,9 baravar o'sish qayd etildi. 2018-yilda Toshkent va Navoiy viloyati o'rtasidagi farq 16,5% bo'lsa, 2025-yilda bu ko'rsatkich 40% ga yaqinlashdi.

Eng boy va eng kambag'al mintaqalar o'rtasidagi farq: 2018-yilda 2,6 baravar, 2020-yilda 2,7 baravar, 2023-yilda 3 baravar, 2025-yilda 3,6 baravar.

2025-yilda o'rtacha oylik ish haqi 6,4 million so'mni tashkil etdi. Faqat Toshkent shahri (10,7 million so'm) va Navoiy viloyatida (7,8 million so'm) mamlakat o'rtachasidan yuqori ko'rsatkich qayd etildi. Eng yuqori va eng past o'rtacha ish haqi farqi: 2021-yilda 2,03 baravar, 2022-yilda 2,17 baravar, 2023-yilda 2,25 baravar, 2024-yilda 2,5 baravar, 2025-yilda 2,4 baravar.

Rivojlangan mamlakatlarda eng boy va eng kambag'al mintaqalar o'rtasidagi daromad farqi odatda 1,5-2 baravar, rivojlanayotgan mamlakatlarda esa 3 baravargacha bo'lishi mumkin. O'zbekistonda farqning tez kengayishi muammo tug'dirmoqda.

2025-yilda 252,8 ming kishi ko'chib o'tdi, ulardan 121 mingdan ortig'i (48%) Toshkent shahri va Toshkent viloyatiga kelgan. Bu ko'rsatkich Farg'ona viloyatiga nisbatan 7,5 baravar yuqori.

Mintaqalarda ishsizlikning o'sishi qishloq xo'jaligida ishchi kuchiga talabning kamayishi va suv resurslarining yetishmasligi bilan bog'liq.

Source: kun.uz