Donald Trampning Eron bilan urush bo'yicha pozitsiyasi hafta davomida keskin o'zgarib turdi. Yakshanba kuni u "soat tugayapti" deb tahdid qilgan bo'lsa, dushanba kuni Qatar, Saudiya Arabistoni va BAA iltimosiga ko'ra hujumlar "to'xtatilganini" aytdi.

Seshanba kuni Tramp jurnalistlarga hujumni davom ettirish qaroriga "bir soat qolganida" to'xtaganini, Eronga muzokaralarga qaytish uchun bir necha kun berilganini ma'lum qildi.

Chorshanba kuni u "yoki kelishuvga erishamiz, yoki biroz yomon narsalar qilamiz" deb ogohlantirdi. Payshanba kuni esa Nyu-York Post gazetasida Eronga qarshi uch bosqichli harbiy rejani targ'ib qiluvchi maqolani repost qildi.

AQSh va Isroil 28 fevral kuni Eronga hujum boshlagan edi. 8 aprelda otashkesimga erishilgan bo'lsa-da, Trampning o'zgaruvchan pozitsiyasi Tehronni chalg'itmoqda. Jorj Vashington universiteti professori Sina Azodining so'zlariga ko'ra, Eron rasmiylari AQShning haqiqatan ham kelishuvga erishmoqchimi yoki urushni xohlayotganini aniqlay olmayapti.

Eron o'zining 14 bandlik tinchlik rejasini taqdim etgan bo'lsa-da, Tramp ma'muriyati yuqori boyitilgan uranni topshirish va Hormuz bo'g'ozida erkin navigatsiya kabi talablarni ilgari surmokda. Mutaxassislarning fikricha, bu qarama-qarshilik AQSh iqtisodiyotiga salbiy ta'sir ko'rsatishi mumkin.

Source: www.aljazeera.com