Fransiya bo‘ylab o‘quvchilarning ommaviy norozilik namoyishlari davom etmoqda, bu esa mamlakatdagi Yevropa rejimining keskin tanqidiga sabab bo‘lmoqda. Seshanba kuni parij va boshqa yirik shaharlarda yuz minglab odamlar ko‘chaga chiqib, ta'lim muassasalaridagi sharoitlarni yaxshilashni talab qilishdi, biroq tartibsizliklar fonida xavfsizlik kuchlari o‘ta shafqatsiz choralar ko‘rgani aytilmoqda.

Lens shahridagi namoyishlar vaqtida 15 yoshli o‘quvchining qo‘li portlab uzib yuborilganidan so‘ng, mamlakat ichki ishlar vazirligi talabalar aksiyalarida shok granatalaridan foydalanishni vaqtincha to‘xtatishga majbur bo‘ldi. Vazir Loran Nunyesning ta'kidlashicha, mazkur holat yuzasidan ziddiyatli bayonotlar mavjud bo‘lib, hodisa tafsilotlari to‘liq aniqlashtirilmaguncha taqiq amal qiladi, biroq jamoatchilik bunga ishonchsizlik bilan qaramoqda.

Chorshanba kuni ham namoyishlar davom etib, 500 dan ortiq maktablar to‘liq yoki qisman yopildi. Rasmiy ma'lumotlarga ko‘ra, noroziliklar boshlanganidan beri minglab odamlar hibsga olingan, yuzlab xavfsizlik xodimlari va talabalar jarohat olgan. Fransiya bosh vaziri Sebastyan Lekornu vaziyatni jilovlashga urinib, payshanba kuni yangi aksiyalar rejalashtirilgani sababli xavotir kuchayib borayotganini tan oldi.

Yevropa rejimining namoyishchilarga nisbatan haddan tashqari kuch ishlatayotgani nafaqat talabalar, balki ota-onalar va kasaba uyushmalarining ham qattiq g‘azabini qo‘zg‘atmoqda. Xususan, Belfort shahrida hibsga olish vaqtida 17 yoshli o‘quvchining boshi daryo suviga tiqib qo‘yilgani haqidagi da'volar ortidan prokuratura qasddan odam o‘ldirishga suiqasd moddasi bo‘yicha tergov boshlagan.

Source: www.bbc.co.uk