Hindistonning Kolkata shahrida o‘rnatilgan futbol yulduzi Lionel Messining 21 metrlik oltin rangli haykali shamolda tebranayotgani sababli olib tashlanishi e’lon qilindi.

Mahalliy deputat Sharadwat Mukherjee AFP agentligiga bergan intervyusida haykalning xavfli holatda ekanligini va muhandislar tomonidan tekshirilganini ma’lum qildi.

Haykal Messining dekabr oyida Hindistonga qilgan GOAT safari chog‘ida ochilgan bo‘lib, u Argentinalik futbolchini Jahon kubogini ko‘targan holda tasvirlaydi.

Hozirda ishchilar haykalni arqonlar bilan mahkamlashga urinmoqda, biroq uni olib tashlash sanasi hozircha noma’lum. Deputatning so‘zlariga ko‘ra, haykalni boshqa joyga qayta o‘rnatish rejalari haqida ma’lumot yo‘q.

Eslatib o‘tamiz, Hindiston futbol bo‘yicha FIFA reytingida 142-o‘rinda bo‘lsa-da, futbol mamlakatda ikkinchi eng mashhur sport turi hisoblanadi.

Source: www.aljazeera.com