Jahon bankining 2025-yilgi hisobotiga ko‘ra, dunyo har yili taxminan 324 trillion litr chuchuk suvni yo‘qotmoqda. Bu miqdor 280 million kishining yillik ehtiyojini qondirishga yetadi.

Ushbu doimiy suv yo‘qotilishi “kontinental qurish” deb ataladi va kuchayib borayotgan qurg‘oqchilik hamda yer va suv resurslaridan noto‘g‘ri foydalanish bilan bog‘liq.

Birlashgan Millatlar Tashkiloti cho‘llanish va qurg‘oqchilikka qarshi kurashish hamda buzilgan yerlarni tiklash bo‘yicha xabardorlikni oshirish maqsadida 17-iyunni Butunjahon cho‘llanish va qurg‘oqchilikka qarshi kurash kuni deb belgilagan.

Al Jazeera dunyo bo‘ylab qisqarib borayotgan 10 ta ko‘l, daryo va suv omborini tahlil qildi. Parana daryosi (Janubiy Amerika) 1990 va 2026 yillardagi sun’iy yo‘ldosh tasvirlarida suv sathining keskin pasayganini ko‘rsatdi.

Boliviyadagi Poopo ko‘li 1984 va 2020 yillar oralig‘ida deyarli butunlay qurib ketdi. Botsvanadagi Ngami ko‘li qurg‘oqchilik tufayli vaqtincha yo‘qoldi. Chili, Eron, Iroq, Madagaskar, Mali, AQSh va O‘zbekistondagi suv havzalari ham xuddi shunday taqdirga uchradi.

Orol dengizining janubiy qismi 1984 va 2020 yillardagi tasvirlarda 90 foizdan ko‘proq qisqargani ko‘rinadi. Bu inson faoliyati natijasidagi eng yirik ekologik ofatlardan biri hisoblanadi.

Source: www.aljazeera.com