O‘zbekiston Milliy ekologiya va iqlim o‘zgarishi qo‘mitasining tarqatgan ma'lumotlariga ko‘ra, joriy yilning 24-oktabriga o‘tar kechasi Toshkent shahrida atmosfera havosi sifatining vaqtincha yomonlashish ehtimoli mavjud. Mutaxassislar aholini yuzaga kelishi mumkin bo‘lgan ekologik vaziyatdan ogohlantirmoqda.

Idora prognozlariga tayanilsa, kechki va tungi soatlarda havoda PM2.5 hamda PM10 mayda dispers zarrachalar konsentratsiyasining sezilarli darajada ortishi kutilmoqda. Buning oqibatida xalqaro AQI havo sifati indeksi bo‘yicha ko‘rsatkichlar "nofulay" darajagacha ko‘tarilishi mumkin. Shu bilan birga, milliy indeks bo‘yicha vaziyat asosan "sariq" belgida saqlanib qolishi taxmin qilinmoqda.

Mutaxassislar ushbu holatning asosiy sabablarini tushuntirar ekan, tunda havo haroratining pasayishi, shamol tezligining sustligi hamda kuchli harorat inversiyasini keltirib o‘tishdi. Bunday noqulay ob-havo sharoitida atmosferaning quyi qatlamlarida havo almashinuvi cheklanib qoladi va zararli moddalar to‘g‘ridan-to‘g‘ri yer yuzasida to‘planadi.

Tong otishi bilan harorat inversiyasi zaflashib, havo sifati bosqichma-bosqich yaxshilanishi kutilmoqda. Biroq, shunga qaramay, ertalabki soatlarda poytaxtning ayrim tumanlarida xalqaro AQI shkalasi bo‘yicha ko‘rsatkichlar "sezgir guruhlar uchun noqulay" darajada qolishi mumkin. Hozirgi kunda shahar havosining holati maxsus komissiya nazorati ostida doimiy ravishda kuzatib borilmoqda.

Source: podrobno.uz