Farg‘ona viloyatida Davlat xavfsizlik xizmati xodimlari Qirg‘izistondan kontrabanda yo‘li bilan olib kelingan 5,6 kilogramm gashishni sotishga urinishning oldini oldi. 33 yoshli erkak giyohvand moddalarni noqonuniy aylanishiga aloqadorlikda gumonlanib qo‘lga olindi.

Tezkor tadbir Davlat xavfsizlik xizmati tomonidan viloyat bojxona boshqarmasi va ichki ishlar organlari bilan hamkorlikda o‘tkazildi. Gumonlanuvchi yashirilgan joydan giyohvand moddani olib, Cobalt avtomobilida Farg‘ona shahri tomon yo‘l olgan. Xodimlar uni to‘xtatishga uringanda, erkak talablarga bo‘ysunmagan, mashinadan xo‘jalik sumkasini tashlab, qochishga urinagan.

Sumkada umumiy og‘irligi 5,6 kilogramm bo‘lgan gashishga o‘xshash beshta briket borligi aniqlangan. Ma’lumotlarga ko‘ra, giyohvand modda avvalroq Qirg‘iziston hududidan kontrabanda yo‘li bilan olib kelingan va yashirinish joyiga qo‘yilgan.

Qo‘lga olingan shaxsga nisbatan Jinoyat kodeksining 246-moddasi 2-qismi bilan jinoyat ishi qo‘zg‘atilgan. U qamoqqa olingan. Tergov uning mumkin bo‘lgan sheriklarini aniqlashni davom ettirmoqda.

Eslatib o‘tamiz, avvalroq Toshkent viloyatidagi “Navoiy” chegara bojxona postida O‘zbekistondan noqonuniy ravishda 240 ming dollar olib chiqishga urinishning oldi olingan edi. Qo‘shni davlat fuqarolari bo‘lgan ikki ayol valyutani bojxona nazoratidan yashirishga urinib, 80 va 160 ming dollarni oyoqlariga skotch bilan o‘rab olgan edi.

Source: podrobno.uz